काठमाडौं । नेकपा एमाले र माओवादी केन्द्रको कार्यदलले प्रदेशका मुख्य मन्त्रीको टुंगो लगाएको छ ।
कुन प्रदेशमा कुन पार्टीको मुख्यमन्त्री रहने भन्ने विषयमा आइतबार बसेको कार्यदलको बैठकले टुंगो लगाएको नेकपा एमालेका नेता सुरेन्द्र पाण्डेले जानकारी दिए ।
उनका अनुसार प्रदेशको १, ३, ४ र ५ मा एमालेका मुख्यमन्त्री रहनेछन् भने ६ र ७ मा माओवादीको मुख्यमन्त्री रहनेछन् ।
त्यसैगरी प्रदेश नम्बर ४ र ५ मा सभामुख माओवादी केन्द्रको रहनेछ भने बाँकी रहेका प्रदेशमा एमालेले सभामुख आफ्नो पार्टीको बनाउनेछ । त्यसैगरी उपसभामुखमा ४ र ५ नम्बर प्रदेशमा एमालेका रहनेछन् भने बाँकी रहेका प्रदेशमा माओवादी केन्द्रका उपसभामुख रहनेछन् । दुई पार्टीबीच प्रदेशमा सरकार बनाउँदा ७० र ३० प्रतिशत कायम गरिने सहमति पनि भएको छ ।
स्रोत : नागरिक दैनिक
Total Page Visits: 900 - Today Page Visits: 1