लेखक : मनऋषि धिताल
अस्ट्रेलियाको न्यु साउथ वेल्समा पर्ने काउरा गाउ मलाइ निकै मन पर्छ . सन् २०१८ को मार्च २४मा नेपाली , अस्ट्रेलियन र बहुरास्ट्रीयसमुदायको सागर बीच म त्यहा पुगेको थिए .
यो गाउले हरेक बर्ष मनाउने अन्तरास्ट्रिय मित्रता उत्सवमा फरक फरक देशलाइ पाउनाका रुपमा चयन गर्ने गर्दछ . त्यो बर्ष नेपाल पाउनादेश थियो . ग्रेट वेस्टर्न हाइ वे र मिड वेस्टर्न हाइ वे हुदै बाथार्ट छोएर जादा सिड्नीबाट झन्डै तिन सय नौ किलोमिटर टाढा पर्ने यो गाउपुग्न आफै रमाइलोसंग ड्राइव गर्दा साढे चार घण्टा लाग्छ .
तपाइँ आफ्नो/आफ्नी प्रियजनसंग हुनुहुन्छ भने यो आते जाते नौ घण्टाको यात्रा नौ मिनेटको जस्तै लाग्नेछ . मैले पनि मेरी प्रियासंग योगाउको यात्रा गरेको छु , जुन निकै स्मरणीय छ यो जिन्दगीभरका लागि . हामी नेपालका गाउमा जन्मी हुर्केकाहरुकालागि शहरबाट परयति सुन्दर ठाउमा आफ्ना सहृदयीहरु संग्गसंगै घुमफिर गर्नु अनुपम हुन्छ .
आज पाच बर्ष बित्यो यो गाउसंग मितेरी लगाएको , हृदयमा कुदिएको सुन्दर यो गाउ प्रतिको प्रेम सदा अमिट रहनेछ . यो गाउको कोहिस्थाई बासिन्दासंग परिचय भएको स्मरण छैन तर पनि मेरा प्रियजनहरुलाई सवारी चालक अनुमति पत्र प्राप्त गर्न सल्लाह माग्दासम्पर्कमा आएका यो गाउका सवारी चालक ग्रामीण प्रशिक्षकहरु भने मेरो स्मरणमा छन् . सिड्नीबाट त्यहा कोहि सवारी चालक अनुमतिपत्र लिन चाहनु हुन्छ भने म ती सहृदयी मित्रहरुसंग टाढै भए पनि अहिले समेत भेटघाट गराइदिने छु। हुनत अब कोभिड रेस्ट्रिक्सननभएकाले उति टाढा जाने कस्ट गर्नु नपर्ला।
सवारी चालक मात्रै होइन त्यहाको हरेक कोहिले भन्छन – हामी “कन्ट्री म्यान” हरुले पाहुनालाइ सत्कार गर्दछौ, माया गर्छौ . उनीहरुसाच्चै हामि जस्तै सहृदयी “कन्ट्री म्यान” वा गाउले छन् . एक पटक फुर्सद हुने मित्रहरु काउरा जानुस र यो गाउने हाम्रो देशलाइसम्झेको जुनी जुनी सम्म बिर्सेका छैनौ र बिर्सिने छैनौ भनिदिनुस .
त्यो बर्ष त्यो सहर कति सुन्दर ! नेपालको एक टुक्रा बनेको थियो – सिंगारिएर . मायालु बालबालिकाहरु पेंटिंग कागजको ढाका टोपीलगाएर चिटिक्क पाल्पाली बनेका थिए . स्कूलका आगनमा गुराँस फुलेका थिए, नजिकै डाफेहरु नाच्दै थिए, मुनाल गाउदै थिए . काउरानेपाल नेपाल थियो. हिमाल त्यहाँ पो उभिएका थिए, हिमालमा चौरी चर्दै गरेका चित्र गाउका भित्तामा कुदिएका थिए . नेपालको रास्ट्रीयगान गाउदै त्यो सानो सहर गुन्जेको थियो . पाच बर्ष अघिको आजको दिन निकै सुन्दर थियो.
त्यसपछि मैले हरेक बर्ष यो कबिता दोहोर्यौउछु र अस्ट्रेलियाको प्रिय गाउ काउराका स्मृति ताजा बनाउछु .
पृय काउरा
पाच बर्ष भो
हामि छुट्टियेको
ओइलायो होला गुरास
दुर पर्बत मालामा
तर कलिला हृदयमा
फुलेको राताम्य गुरास
झन फक्रेको छ
काउराको फराकिलो छातिमा .
ह्रुदयको गहिरो भागमा
सप्रेम साचेको मेरो स्वाभिमानको झन्डा
काउराका पृय आफन्तको फराकिलो मनमा
झन सम्मानित भयेर
सगरमाथा जस्तै उभियेको छ ।
पृय काउरा !
तिमि पनि त कोमल कमल भयेर
मेरो निस्छल हृदयमा
ढकमक्क फुलेकि छौ
तिमिले स्थापित गरेको
भातृत्वको स्तम्भ
मेरो मस्तिष्कमा
अडिग आमिट भयेर उभियेको छ ।
पृय काउरा!
मेरो मनमा कङारु
तिम्रो मनमा कस्तुरि
मेरो अङालोमा इमो
तिम्रो काखमा डान्फे
आउ नाचौ फेरि इन्द्रेणि आगनमा
हाम्रो साझा मयुर सपनासङै
आउ काउरा !
उज्यालो शान्त प्रेमिल भबिस्य सङ्सङै बुनौ ।