गजल बिशेष कार्यक्रम “गजल मुशायरा” हुदै । अष्ट्रेलियाभरिका गजलकार एउटै मन्चमा ।

गजलमै नाच, गजलमै हॉंस अर्थात सबैथोक गजलबाट । यस्तो कार्यक्रम कतै हेर्नुभएको छ ? अष्ट्रेलियामा हुनुहुन्छ र अझै बिशेष सिड्नीवरपर हुनुहुन्छ भने एउटा छुटाउनु नहुने कार्यक्रम ‘गजल मुशायरा’ कार्यक्रमको नयॉं संस्करण अष्ट्रेलियाको सिड्निमा हुने भएको छ ।सिड्नीमा छ वटा सफल श्रृंखलाहरू, ब्रिसबेनमा दुइवटा, एडिलेडमा यौटा, अल्बेरीमा यौटा भव्य संस्करणहरू र नेपाल(नुवाकोट) रमलेशियामा दूई संस्करण सहित अवको कार्यक्रम आयोजना हुने भएको हो । यो कार्यक्रम आगामी सेप्टेम्वर २३ तारिख  सनिबारका  दिनअपरान्ह १ः३० बजेदेखि सिभिक थिएटर हर्सभिल सिड्नीमा हुन गैरहेको छ ।

गजलको एउटा सम्पूर्ण कार्यक्रम गजल मुशायरामा यसपटक भने ३३ जना गजलकारहरुको गजल वाचन सहित गजल गायन र गजलमैनृत्य रहनेछ । गजल वाचनमा यस पटक सिड्नी सहित ब्रिसबेन, तास्मानिया, मेलबर्न, अल्बेरी, न्यूक्यासल तथा क्यानबेरा शहरबाटगजलकारहरुले साथ दिनुहुने कुरा यस कार्यक्रमका संयोजक जितेन्द्र मल्लले हामीलाइ जानकारी दिनुभएको छ । साहित्यले मानिसलाइदेश परदेश केहि भन्दैन रहेछ मेरो भाषा र तेरो भाषा पनि भन्दैन रहेछ त्यसैले त हामी गजलबाट नेपाली भाषी भुटानी साथिहरुलाइ एउटैस्टेजमा जोडिएको देख्नेछौं । भुटानी छातिमा नेपाली मॉंया लिएर अल्वरिबाट नेपाली भाषी भुटानी सर्जक दुर्गा रिमाल पनि आउनुहुनेछ ।

मोती जयन्तीको अवसरमा २०१४ देखि सिड्नीमा आयोजना हुँदै आएको गजल मुशायरा कार्यक्रम गजल तथा साहित्य मन पराउनु हुनेव्यक्तिहरु माझ अत्यन्तै लोकप्रिय कार्यक्रम भएको र सिड्निको यो बिशेष संस्करणले अष्ट्रेलियामा रहनुभएका साहित्यिक पारखी रगजलकारहरुलाइ अझ तताउनेमा विश्वस्त रहेको जानकारी गजल मुशायराका ब्रिसवेनका संयोजक डा केशव शर्माले दिनुभएको छ ।गजल मुशायराको मुख्य आकर्षक पक्ष भनेको भाषण नहुनु हो, अनावस्यक नबोल्नु हो । चट्ट स्टेजमा आउने आफना गजल भन्ने र फर्कने। सबै अतिथी सबै श्रोता सबैलाइ समान सम्मान । त्यसैले त गजल मुशायरा परिवारलाई संसारभरि छरिएर रहेका नेपाली गजलसर्जकहरूले अगाध स्नेह देखाएका छन् ।

गजल मुशायराका बारेमा यहॉंहरुलाइ सहयोग र सर सल्लाह गर्न चाहना रहेमा संयोजकहरु डा केशव शर्मा, जितेन्द्र मल्ल र आदर्शखत्रीलाइ सम्पर्क गर्न सकिने छ ।

कार्यक्रमको विवरण तल उल्लेखित रहेको छ ।

मिति : सेप्टेम्बर २३ शनिवार

समय : अपरान्ह १ः३० बजेदेखि

स्थान : 16 Macmahon St, Hurstville NSW 2220

कार्यक्रमलाई Title Sponsor को रुपमा आर्थिक सहयोग उपलब्ध गराउने Innovative Associates, Gold Sponsor हरुExpert Education and Visa Services, Aussie Finance & Home Loans, The Muglan, Multi Dynamic, MandalaLegal, Valentine Woodfire Pizza, 365 Home Loans (JR & Solutions) र First Rate Removals तथाSupporter हरु ANGEL HOME LOANS, Support Foundation- Registered NDIS Service Provider, Indreni function centre, Hari pest control र Rawson Super Market रहेका छन् ।