प्रणय दिवसमा तिमी र म
अनिता भण्डारी (पौडेल )
नंया बानेश्वर , काठमाडौँ
आऊ मेरो सामिप्यमा आऊ प्रिय
म तिम्रै लागी हुँ, तिमी मेरै लागी हौ ।
एउटा हातमा रातो गुलाब बोकेर
पत्र पत्र ति गुलाबका पत्र झैं
तिम्रा लागी साँचेका मायाका पत्रहरु उघार्दै
पल्टाउदै जाऊ म भित्र संगालिएका यादरुलाई
आऊ मेरो सामिप्यमा आऊ प्रिय
म तिम्रै लागी हुँ, तिमी मेरै लागी हौ ।
प्रेमको प्रस्ताब राखेर
मनभरी मायाको पोको बोकेर
म तिम्रै हुँ बारम्बार भनिरहनु पर्दैन प्रिय
म तिमी देखि न कहिल्यै टाढा थिए
अब टाढा हुन सक्छु
आऊ मेरो सामिप्यमा आऊ प्रिय
म तिम्रै लागी हुँ, तिमी मेरै लागी हौ ।
चकलेटी स्वादमा मायाको मिठास बोकेर
बर्षौंदेखी गुम्सिएका कल्पनाहरुलाई
एक एक गरि स्वादिलो बनाऊ यथार्थमा
तन मन मुटुले स्वाद महसुश गर्नेगरी
आऊ मेरो सामिप्यमा आऊ प्रिय
म तिम्रै लागी हुँ, तिमी मेरै लागी हौ ।
तिमीले दिन खोजीएका र नसकेका उपहारहरु
तिमीले जस्तै संगाल्छु अनि खेल्छु
बचपनमा खेलेजस्तै मिठा मिठा यादहरु बटुलेर
आऊ मेरो सामिप्यमा आऊ प्रिय
म तिम्रै लागी हुँ, तिमी मेरै लागी हौ ।
बर्षौ पहिले तिमीले गरेका बाचाहरुलाई
आज बर्षौ पछी पुरा गरौँ तिमी र म दुवै मिली
यथार्थ जीवनको गोरेटोमा
आऊ मेरो सामिप्यमा आऊ प्रिय
म तिम्रै लागी हुँ, तिमी मेरै लागी हौ ।
धेरै दिन देखि धड्किरहेको यो मुटुलाई
अंगालोमा कसेर शान्त गरौ
एकान्तमा सबै बिर्सिएर
आऊ मेरो सामिप्यमा आऊ प्रिय
म तिम्रै लागी हुँ, तिमी मेरै लागी हौ ।
मेरा बोलिरहेका आँखाहरुलाई
तिम्रा ओठका स्पर्शले चुप गराउदै
चुमिदेउ देउ प्रिय
भुल्न देउ मलाई सारा संसार
तिमीमै लिप्त बनाएर
आऊ मेरो सामिप्यमा आऊ प्रिय
म तिम्रै लागी हुँ, तिमी मेरै लागी हौ ।
त्यो बैचेन दिल त्यो छटपट्टीलाई
शान्त गराऊ राधा कृष्ण झैँ
एक अर्कामा समर्पित भएर
प्रेमका मिठा मिठा गीत गाउदै
प्रणय शुत्रमा बाँधिएर
आऊ मेरो सामिप्यमा आऊ प्रिय
म तिम्रै लागी हुँ, तिमी मेरै लागी हौ ।