आफनो कला, संस्कृति र पहिचान जोगाइराख्न बिदेशिएका नेपालीहरु लागीपरेका छन् । बिभिन्न कार्यक्रमहरु गर्दै बिदेशका सडकमा नेपाली झण्डा बोकेर नेपाली टोपि सिरमा राखि नेपाली पोशाक लगाएर नेपालीपन देखाइरहेकै छन् । अव वालो आएको छ नेपाली बाजा सिक्ने । अष्ट्रेलियाको राजधानी क्यानबेरामा दर्ता भएर आफनो कला संस्कृति प्रदर्शन गर्दै आइरहेको गुठि क्यानबेराले धिमेबाजा कक्षा संचालनमा ल्याउने भएको छ । मादल, बॉंसुरी जस्ता बाध्यबादन सिकॉंउदै आउनुभएका संगीत सर्जक सरोज महर्जनले धिमेबाजा कक्षा संचालनमा ल्याउने जानकारी हामीलाइ दिनुभएको हो ।
धिमेबाजा बिशेषगरि नेवारी बाजा हो । धिमेबाजाको प्रचलन महादेव र भगवतीको किंवदन्तीमा जोडिन्छ। कुनै समय महादेव र भगवतीबीच मतभेद भयो। मतभेदसँगै सन्तानलाई कसले राख्ने विवाद भयो। विवाद लुछाचुडीमा बदलियो। सोही क्रममा एक जनासँग कंकाल (हड्डीमात्र भएको शरीर) र अर्कोसँग ख्याक (मासु मात्र भएको शरीर) भए। कालान्तरमा कंकाल र ख्याक नकारात्मक शक्तिको रूपमा विकसित भए। यसले महादेवलाई दुखित तुल्यायो। उनी पृथ्वीको जंगलमा आएर लठ्ठीले ढ्याङग्रो जस्तो बाजा बजाए। जुन पछि गएर धिमेको रूपमा परिणत भयो।
गुठि क्यानबेराले गुठिका सदस्यहरुका लागी $५ प्रति हप्ता र सदस्य नहुनेहरुका लागी $१० प्रति हप्ता शुल्कलिने जनाएको छ । कक्षा सोमबार बेलुका सॉंझ ५ बजेबाट ७ बजेबाट हुने र यसलाइ गुठि क्यानबेराका बिजय प्रजापतिले कक्षा संचालन गर्नुहुने छ । यसमा नेपाली बिदेशि सबैले सिक्न पाउने बातावरण तयार गरिरहेको र कक्षा संचालन भएको ३ महिनामा स्टेज कार्यक्रम गरेर धिमे बाजा सिकिरहेका बालबालिकाहरुलाइ प्रोत्साहन गरिने कुरा सरोज महर्जनले जानकारी दिनुभएको छ ।
