गजल

अनिता भण्डारी (पौडेल )
नँया बानेश्वर , काठमाडौँ
किन यति धेरै मान्छेको भिड यो शहरमा
कोही बाध्यतामा छन् कोही छन् रहरमा

कमाउने त कमाएका छन् बेफिक्री यहाँ
नसक्नेहरु कठै मरेका छन प्रत्येक प्रहरमा

लहैलहमा छोडे गाउँ ऋण माथी ऋण बोकी
बाँझो रह्यो खेतबारी सुक्यो पानी नहरमा

गाईबस्तु हरियाली खोलानाला लोप हुदैछन्
लेउ र घाँस उम्रेको छ अहिले सबैको घरमा

आफ्नै देशले दिएन खान लाखौं युवा पलायन
महंगी आकाशियो खाद्यान्न डुबेको छ जहरमा