बिनायक अधिकारी : १८ फेब्रुवरि २०१९
क्यानबेरामा हरेक बर्ष हुने बहुसॉंस्कृतिक मेलामा एस बर्ष पनि एएनएफएसको संयोजकत्वमा सहभागी भएको छ । क्यानबेरामा जति नेपालीहरुको उपस्थिति बाक्लिदैं गएपनि सहभागी हुन चाहनेहरुको संख्या भने न्यून छ । यसपटक पनि सोचेजस्तो सहभागीता नभएको सुन्नमा आएको छ तर क्यानबेरामा भएदेखिनै सांस्कृतिक कार्यहरुमा आफनो उपस्थिति राख्दै आउनुभएकाहरुवाटै यसबर्ष पनि कार्यक्रमको निरन्तरता पायो ।
क्यानबेराका स्टेजहरुमा पहिल्यै देखि देखिदै आउनुभएका कुमार केसी, पुष्पा केसी, संझना सापकोटा, चुडामणी सापकोटा, अशोक बस्नेत, आस्था ढुंगाना, अन्जना खनिया, राधा सापकोटा ले आफना बिभिन्न प्रस्तुति दिनुभएको थियो । कार्यक्रम फेब्रुवरि १६ सनिवारका दिन स्टेज नं २ मा मध्याह्न १:५-१:२० बजे सम्म भएको थियो ।
बहुसॉंस्कृतिक मेलामा बिभिन्न देशका संस्कृतिक प्रदर्शनी नृत्य, पहिरन, खानेकुराहरु र गीतसंगीत मार्फत चिनाइने चलन छ । नेपालले पनि यस बहुसांस्कृतिक मेलामा आफनो सहभागीता जनॉंउदै आएको छ । हामी नेपालीहरु बहुसॉंस्कृतिक भएर पनि क्यानबेरामा उपस्थिति न्यून हुनु भने निराशाजनक कुरा हो । हामी सबै देशका प्रतिनिधित्व हुने कुरामा नचुकौं ।
कार्यक्रममा सहयोग गर्ने नेपाली दुतावास, कलाकारहरु र अन्य सहयोगी ब्यक्ति तथा संघ संस्थालाइ एएनएफएसका अध्यक्ष जीवन रानाले धन्यवाद दिनुभएको छ ।
