बिनायक अधिकारी : १८ अगष्ट २०१९
बिदेशमा नेपाली संस्कृति जानेर या नजानेर सकेको जोगाउने प्रयास भएकै छ । दशैं, तिहार, तिज या फागु पूर्णिमा होस यी चाडहरुले कमसेकम नेपालीहरुलाइ एकै ठॉंउमा जुटाउने काम भने भइरहेकै छ ।
अष्ट्रेलियाको राजधानि क्यानबेरामा पनि तिज लागीरहेकै छ । गौलि इभेन्ट्सले प्रत्येक बर्ष तिजमा बिभिन्न कलाकार ल्याएर मनाउने गर्छ भने क्यानबेरा नेपलिज फुटवल क्लव (सिएनएफसि) र अष्ट्रेलिया नेपलिज फ्रेण्डसिप सोसाइटि (एएनएफएस) ले पनि तिज मनाइरहेकै छन् । यस बर्ष पनि सिएनएफसि र एएनएफएस ले संयुक्त रुपमा “तिज सेलिब्रेसन नाइट २०१९” को नाम दिएर तिज मनाउने कार्यक्रम गर्नेभएका छन् । २४ अगष्ट सनिवारका दिन माउन्ट स्ट्रोमोलो स्कुलमा बेलुका ५ बजेदेखि हुने तिज कार्यक्रममा लोक गायक गायीका चन्दा अर्याल र सुदिप न्यौपानेले क्यानबेरा/क्विनबियन बासीलाइ रमाइलो बनाउने प्रयास गर्नेछन् ।
संस्थाका सदस्यहरुलाइ $२० शुल्क लाग्ने कार्यक्रममा अन्य लाइ $२५ शुल्क लाग्ने बताइएको छ भने १० बर्ष भन्दा तलका बाल बालिकाहरुलाइ निःशुल्क हुनेछ । कार्यक्रमलाइ हिमालयन बिजनेस ग्रुपले मुख्य प्रायोजन गरेको छ भने क्यानबेरा नेपलिज क्रिकेट क्लव, क्यानबेरा नेपलिज भलिवल क्लव, एनआरएनए क्यानबेरा सहयोगी संस्थाका रुपमा रहेका छन् भने मिडिया पार्टनरको रुपमा मेरो कपुरी क र सिएमएस रेडियो रहेका छन् ।
