गजल
बिनायक अधिकारी
जनतासंग राजनिति गर्छ सरकार पानी लुकाएर
रेलले जिस्क्यॉंउछ काठमाडौंको कहानी लुकाएर ।
यूवालाइ खाडी पठॉंउछ, रेमीट्यॉंन्समा रजॉंइ गर्छ
पसीना चुहाउदै घर संझन्छन् जवानी लुकाएर ।
पार्कमा नवस भन्छ, होटल गए पुलीस पठाउछ
यो उमेरमा कसरि बसौं ठेकी छेउ मदानी लुकाएर ।
मलाइ चिन्नै सकेनन कसैले वा चिनेर छोडे
मुटु भीत्र सजाएका होलान भाग्यमानी लुकाएर ।
पहिलो रातमै लोग्नेले मन मुटु दुखाएपछि
मेरै नाममा आइन प्रिया जिन्दगानी लुकाएर ।
Total Page Visits: - Today Page Visits: