यो इमोशनल ब्ल्याकमेल गर्ने ठाउँ हैन: सुरेन्द्र पाण्डे
काठमाडौँ– सरकार र पार्टीको केन्द्रीय नेतृत्व आलोचनाको अचानोमा परिरहेका बेला नेपाल कम्युनिष्ट पार्टी (नेकपा) स्थायी समिति बैठकभित्रको आक्रोश अव प्रदेश पाँचका मुख्यमन्त्री शंकर पोखरेलतर्फ पनि सोजिएको छ।
नेतृत्वले पोखरेललाई मुख्यमन्त्री र प्रदेश इन्चार्ज बनाएकोमा आपत्ति प्रकट गर्दै यसले पार्टीको विधान उल्लंघन भएको निस्कर्षमा स्थायी सदस्यहरु पुगेका छन्।
आफु लक्षित एक पद, एक जिम्मेवारीको प्रश्न सदस्यहरुबाट तेर्सिएपछि पोखरेलले मंगलबारको बैठकमा भनेका थिए ‘दाङबाट निर्विवाद संसदको सदस्य भएतापनि त्यसबेलाका माओवादी नेता कृष्णबहादुर महरालाई त्यहाँ अकोमोडेट गर्नु पर्ने भयो र त्यसवापत आफु प्रदेशको नेतृत्व सम्हाल्न दिने बचन दुवै अध्यक्षबाट पाएका थिएँ। म कुनै पनि हालतमा राजनीतिक जिम्मेवारी छोड्दिनँ, मेरै कारण समस्या भएको हो भन्ने तपाईहरुलाई लागेको हो भने प्रदेशसभा सदस्यबाटै राजीनामा दिन्छु।’
तर त्यसलाई प्रतिवाद गर्दै बुधबार नेता सुरेन्द्र पाण्डेले भने यो ‘इमोशनल व्यलाकमेल ’ गर्ने ठाउँ होइन भनेका छन्। उनले भनेका थिए,’हामीलाई व्यक्ति नभई विधि र प्रक्रियाको मात्रै मतलव हो। तपाईले को को नेतासँग के के कुरा गर्नु भयो हामी मतलब गर्दैनौ।
यसअघि नेता वामदेवले पार्टीका एक अध्यक्षले सरकार र एकले पार्टी चलाउनु पर्ने अभिव्यक्ति दिएपछि त्यसको जवाफमा अध्यक्ष एवंम् प्रधानमन्त्री केपी ओलीले संविधानले दिने भए प्रचण्ड र आफु दुवै प्रधानमन्त्री हुन्थ्यौँ भनेका थए। त्यसको प्रतिक्रियामा नेता गौतमले तपाईसँग दुई तिहाई छँदैछ, संविधान संशोधन गरेर दुवै प्रधानमन्त्री बन्नुहोस भनेर चुनौती दिएका थिए । साभार : देश संचार डट कम