गजल

अनिता भण्डारी (पौडेल )
नँया बानेश्वर , काठमाडौँ

कहाँ बिर्सिन्छ र सुर्यले बिहान उदाउन
कसैगरी बिर्सिदैन उसले साँझ अस्ताउन

जुन तारालाई घुमाउछ आफूसंगै संसार
कंहा दिन्छ र समयलाई उसले सुस्ताउन

कुनै प्राणीहरु हुदैनन् स्थिर प्राण रहेसम्म
कसरी सक्छन् र रातमा मस्त निदाउन

बिचरी भन्दैथिइन् कयौं दू:ख र तपस्या
जति गरेपनि सकिदैन परिवार रिझाउन

रिसाउछन् रे उनि पनि पुरा कुरा नसुनिकन
सक्दिन भन्थिन् घरिघरि उनलाई फकाउन