अष्ट्रेलिया नेपलिज फ्रेण्डसिप सोसाइटि (एएनएफएस) ले क्रिसमसको अवसर पारेर बनभोज सम्पन्न गरेको छ । तिहारमा देउसी भैलो सफलता पूर्वक सम्पन्न गरेपछि त्यसैको अवसरमा बनभोज कार्यक्रम सम्पन्न भएको हो । बनभोजमा देउसि भैलो संचालन गर्ने नेपाली दुताबास क्यानबेरा, राजु अधिकारी मलंगो भ्याली र बिशेष बराल टेलर लाइ मायाको चिनोले सम्मान गरिएको थियो । सम्मानका लागी महामहिम कैलासराज पोखरेल, एएनएफएसका अध्यक्ष आशिष देवकोटा र बहुसॉंस्कृतिक मन्त्रि मिक जेन्टलमेनले प्रदान गर्नुभएको थियो
बनभोज कार्यक्रममा बालबालिकाहरु लक्षित बिभिन्न नाच गान कार्यक्रमहरु गरि खेलकुदका सामग्री प्रदान गरिएको थियो भने नेपाली पाठशालामा नेपाली भाषा सिक्न आउने बच्चाहरुलाइ टोपि, पानिखाने बोत्तल र खेलौना प्रदान गरिएको थियो ।
बनभोज कार्यक्रममा उपस्थित अष्ट्रेलियाका लागी नेपाली राजदूत महामहिम कैलाशराज पोखरेलले यस्ता कार्यक्रममा सहभागी भएर बुवा आमाहरुलाइ भेट्न पॉंउदा खुसी भएको बतॉंउदै कार्यक्रमको नाम जे भएपनि राम्रो भेटघाट भएको बताउनुभएको थियो । यस्ता कार्यक्रमले बुवाआमाहरुला सुन्यताबाट मुक्त गर्नका लागी पनि यो आवस्यक रहेको र सहयोगी हुनसक्ने बताउदै यस्ता कार्यक्रम गरिरहन अनुरोध गर्नुभएको थियो । आफुलाइ क्यानबेराको समाज लोभलाग्दो छ लागेको र यो समाजसंगै भेटघाट हुन रमाइलो लाग्ने कुरा जानकारी दिनुभएको हो ।
क्यानबेराका बहुसॉंस्स्कृतिक मन्त्रि मिक जेन्टलमेनले आजको कार्यक्रममा निम्ता पाएर आउन पॉंउदा आफु खुसी भएको बतॉंउदै निम्तोको लागी धन्यवाद दिनुभएको थियो । निकले आफनो यो पहिलो कार्यक्रम रहेको र आफु मन्त्रि भएको एकहप्ता भएको बताउदै बढ्दै गरेको क्यानबेराको नेपाली समाजलाइ बधाइ दिदै सबैलाइ क्रिसमसको शुभकामना दिनुभएको थियो ।
कार्यक्रममा बिभिन्न संघ संस्थागत प्रतिनिधि, ब्यक्तित्वहरु एनआरएनए अष्ट्रेलियाका पूर्व महासचिव राजु अधिकारी, डा दुर्गादत्त कणेंल, राजन ढुंगेल, जीवन राना, कृष्ण सुबेदि, खुश्वु नेउपाने लगाएत थुप्रै बुवा आमाहरु र बालबालिकाको सहभागीता रहेको थियो । बनभोजमा ब्रेकफास्ट र लन्च प्रदान गरिएको थियो । कार्यक्रम पोइन्ट हट पोण्ड गोर्डनमा बिहानको ११ बजेबाट ३ बजेसम्म भएको थियो । कार्यक्रम संयोजक निरज गौलीले गर्नुभएको थियो ।
